పవన్‌తో సినిమా చేయబోతున్నానని తెలియగానే చాలా ఎగ్జైట్ అయ్యాను. ఎలాగైనా ఆయనకు పోటీ ఇవ్వాలని రేపటి సీన్‌పేపర్‌ని ఇవ్వాళే తెప్పించుకొని ప్రాక్టీస్ చేసేదాన్ని. నా పట్టుదల చూసి పవర్‌స్టార్ సైతం ఇంప్రస్ అయ్యారు. ఈ విషయంలో నన్నెంతో అభినందించారు కూడా అంటోంది శృతిహాసన్. పవన్,శృతిహాసన్ కాంబినేషన్ లో రూపొందుతున్న చిత్రం గబ్బర్ సింగ్. ఈ చిత్రం త్వరలో విడుదల కాబోతోండటంతో ఆమె మీడియాతో మాట్లాడుతూ ఇలా చెప్పుకొచ్చింది.
అలాగే... పవన్‌కళ్యాణ్‌కి సరిజోడీ నేనే...పవర్‌స్టార్ పెరఫార్మెన్స్ అంటే నాకు చాలా ఇష్టం. ఆయన ఎంతో స్టైలిష్‌గా నటిస్తారు. అసలు షూటింగ్ టైమ్‌లో మా ఇద్దరి పెయిర్ బాగుందని, మా ఇద్దరి మధ్య చక్కని కెమిస్ట్రీ కుదిరిందని యూనిట్ సభ్యులు అంటుంటే చాలా సంతోషం అనిపించేది. డాన్సుల పరంగా కూడా పవన్‌కి గట్టిపోటీ ఇవ్వాలని బాగా ప్రాక్టీస్ చేసి, డాన్సులు చేశా. ఈ సినిమా విడుదలయ్యాక పవన్‌కి సరైన జోడీ శ్రుతిహాసనే అని మీరే అంటారు అంది శ్రుతిహాసన్.
ఇప్పటికే విడుదలైన పాటలకు మంచి ఆదరణ లభిస్తున్న నేపధ్యంలో ప్రేక్షకుల అంచనాలు పూర్తిగా నిజమవుతాయని ఆయన అన్నారు. ��గుండెజారి గల్లంతయ్యిందే... తీరా చూస్తే నీ దగ్గర ఉందే.... నీలో ఏదో తీయని విషముందే... నా ఒంట్లోకి సర్రున పాకిందే...��...ఈ పాటను మొన్ననే స్విట్జర్‌ ల్యాండ్‌లో చిత్రీకరించారు. చేతిలోని గొడుగులు సైతం ఎగిరిపోయే చల్లని మంచు మలయమారుతాల మధ్య ఆహ్లాదభరితమైన వాతావరణంలో ఈ పాట చిత్రీకరణ జరిగిందని శృతి హాసన్ చెప్పారు. షూటింగ్ పూర్తిచేసుకొని ప్రస్తుతం పోస్ట్ ప్రొడక్షన్ జరుపుకుంటోందీ సినిమా.
ఇక దర్శకుడు హరీష్ శంకర్ మాట్లాడుతూ... నేరగాళ్లను కటకటాల్లోకి నెట్టేందుకు చట్టాలు
, నిబంధనలూ ఉంటాయి. అయితే ఆ పోలీసాయన మాత్రం తనకంటూ ఓ చట్టం రాసుకొన్నాడు. దాని ప్రకారమే పని చేస్తాడు అతగాడి కథేమిటో తెలుసుకోవాలంటే మా సినిమా చూడాల్సిందే అన్నారు. అలాగే ఇందులో పవర్‌స్టార్ కేరక్టరైజేషన్ అభిమానులు పండగ చేసుకునే విధంగా ఉంటుంది. �గబ్బర్‌సింగ్�గా కొత్త పవన్‌కళ్యాణ్‌ని చూస్తారు. పవర్‌స్టార్ చిత్రాల్లో �గబ్బర్‌సింగ్� నంబర్‌వన్‌గా నిలిచే సినిమా అవుతుంది ��అని నమ్మకం వ్యక్తం చేశారు.
పవన్‌కళ్యాణ్, శృతి హాసన్ జంటగా పరమేశ్వర ఆర్ట్ ప్రొడక్షన్స్ పతాకంపై రూపొందిన చిత్రం �గబ్బర్ సింగ్�. హరీష్‌శంకర్ ఎస్ దర్శకత్వంలో బండ్ల గణేష్ ఈ చిత్రాన్ని నిర్మించారు. షూటింగ్ పూర్తిచేసుకున్న ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటోంది. మే 4న సెన్సార్ జరుపుకోనుంది. మలైకా అరోరా, అభిమన్యుసింగ్, కోట శ్రీనివాసరావు, సుహాసిని, బ్రహ్మానందం, తనికెళ్ల భరణి, అజయ్, నాగినీడు, రావు రమేష్, ఫిష్ వెంకట్, అలీ, మాస్టర్ ఆకాష్, ప్రభాస్ శ్రీను తదితరులు నటించిన ఈ చిత్రానికి కెమెరా: జైనన్ విన్సెంట్, సంగీతం: దేవిశ్రీ ప్రసాద్, ఎడిటింగ్: గౌతంరాజ్, నిర్మాత: బండ్ల గణేష్, స్క్రీన్‌ప్లే, మాటలు, దర్శకత్వం: హరీష్ శంకర్ ఎస్.
No comments:
Post a Comment